一杯咖啡测试你有没有体味

专业咖啡师交流 请关注咖啡工房(微信公众号cafe_style )

　　夏天除咗为大地带来雨水同美腿，仲包括浓浓嘅体味……特别系同人迫巴士迫地铁时，就会强烈地感受到不同气味嘅体臭四方袭来，一唔觉意大大力索一啖分分钟臭晕都似。当你心入面抱怨︰妖！咁臭就喷多啲止汗剂嘅同时，有冇谂过，其实当事人可能唔知自己咁鬼臭呢？ 　　啲人成日话自己系闻唔到自己身上嘅体味，唔系得个讲字，有研究指出，人嘅嗅觉只会对独特气味嘅变化产生反应，当你长期都闻紧同一种气味（自己嘅体味），咁你嘅嗅觉就会适应咗自己嘅气味，呈现封闭状态，所以好多人闻唔出自己身上嘅气味，系非常之合情合理。 　　咁有咩方法可以知自己有冇体臭呢？好简单，用咖啡就可以帮到你。由于咖啡嘅香味非常浓烈，而且有吸臭功用，所以佢可以帮你嘅嗅觉脱离平日闻惯嘅气味，重新进入状态。That's why有人话想试香水时，先闻一闻咖啡豆，再试不同香水气味，就系要refresh一下个鼻，咁先闻得清下只香水系咩味。同样道理，只要闻一闻咖啡香味，再闻一闻自己身体，就可以容易闻得出，自己嘅体味系点。 2022-05-17 22:54:25